Tuis. 04

1

2

3

Kry al jou bestanddele gereed voor jy begin

kook: Skil die gemmer en sny dit in dun

stokkies; sny die sitroengras se punt af

verwyder die harde buiteblaar en kap

diagonaal in dun skyfies; sny die ui in dun

wiggies; kap die oestersampioene en

hoender in happiegroot blokkies.

Sit die voorbereide bestanddele in ’n pot of

wok en roer die klappermelk by saam met

250 ml kookwater. Verhit nou stadig oor

matige hitte tot dit net begin borreltjies

maak en stel die hitte dan effens laer –

klappermelk is temperamenteel en kan net

soos melk skif as dit te woes geroer word of

te vinnig kook. Roer die rissies en tamaties

by en laat liggies prut vir sowat 10 minute.

Geur die sop met die suurlemoen- of

lemmetjieblare (ek hou dit heel dan kan ek

dit maklik verwyder voor opdiening) sout

lemmetjiesap koljander en vissous. Proe

en voeg nog by na smaak indien nodig. Die

sop moet sout en suur dog delikaat wees.

Sit voor met die jasmynrys.

Thaisehoender-en-klappermelkkerrie

Dié geregtom kha gai geïnspireer deur Mark Wiens van eatingthaifood.com

is meesterlik in sy eenvoud. Hoewel dit gereeld as ’n sop beskryf word is dit

eintlik meer ’n souserige kerrie en die rys is heerlik daarmee saam. Ek het die

galangal van die tradisionele resep vervang met gemmer omdat dit meer

geredelik beskikbaar is in Suid-Afrika. Gebruik

gerus die ware Jakob as jy dit in die hande kan kry.

Genoeg vir 2 groot porsies

Bereidingstyd: sowat 30 minute

Gaarmaaktyd: 20 minute

• 1 dik duimgroot stuk vars gemmer


• 1 stingel sitroengras


• 1 mediumgroot wit ui


• 200 g oestersampioene


• 4 hoenderborsfilette


• 1 x 400 ml-blik klappermelk


• 3–5 “bird’s eye”-brandrissies (of na
  smaak) ontpit en gekap


• 150 g tamaties in wiggies gesny


• 3 vars suurlemoen- of lemmetjieblare


• sowat 3 ml sout (of na smaak)


• sap van 1 lemmetjie (of na smaak)


• ’n bossie vars koljander gekap


• 15 ml vissous


• gestoomde jasmynrys

stap vir stap kos