Tuis. 04

92 tuisApril 2017

lesertuin

Plantkeuse

Soos die kliënt versoek het het Wouter hoofsaaklik inheemse en

waterwys plante gebruik. Hy en sy span het hul voorkeure in ag

geneem en die natuurlike plantegroei so goed moontlik

gekomplementeer met sy plantkeuse. Ericas Leucadendrons

Proteas slangbos (Stoebe plumosa) koringblomme (Scabiosa

africana) bergbietou (Dimorphotheca jucunda sin. Osteospermum

juncundum) en syselbos (Plumbago auriculata) groei op die rand

van die erf. En ’n bergstroom wat deur die erf vloei dra by tot die

natuurlike gevoel van die tuin. ’n Mens kan tot in die huis hoor hoe

die water deur die tuin kabbel.

Wouter het wel geharde uitheemse plante soos engelvlerkies

vlooikruid (Erigeron karvinskianus) tuinheliotrope en die reuse-

papierblom (Limonium perezii ) met die inheemse plante

gekombineer. Dit is almal blomplante waarvan hulle baie hou en

wat goed werk saam met die inheemse plante aangesien hul

groeiwyses waterbehoeftes en gevoel baie ooreenstem.

Die plantkeuse is grootliks gedoen met blomtyd in gedagte.

“Aangesien die eienaars meestal in die somer hier tuisgaan blom

die meeste plante in die lente en somer. Plante soos syselbos

agapante bougainvillea tuinheliotrope engelvlerkies koring-

blomme perswildeknoffel (Tulbaghia violacea) en salies is dan

op hul mooiste.”

Daar is ook winterblommende plante soos die aasbossie

(Coleonema album)Leucadendron kraanvoëlblom en die

reusepapierblom wat kleur gee in die koue maande – maar hulle is

nie net vir dié doel geplant nie. Wouter gebruik die aasbossie

eintlik as ’n struktuurplant. Dit word in ronde balvorms geknip wat

heeljaar mooi vertoon. In dié geval is die blomme net ’n bonus. En

die kraanvoëlblom (Strelitzia reginae) en reusepapierblom blom tot

in die somer. Die kraanvoëlblom se blaarvorms en uitgeblomde

blomstele gee steeds trefkrag in die laatsomermaande.

Hoewel Wouter en sy span die grootste deel van die jaar vir die

onderhoud van die tuin verantwoordelik is sit die eienaars hand by

wanneer hulle hier is. “In Nederland het ons geen tuin nie daarom

geniet ons dié tuin soveel meer” verduidelik hulle. “Die mooi weer

aangename mense en pragtige omgewing dra alles daartoe by dat

dit vir ons heerlik is hier! Ons sit byna daagliks in die tuin of op ons

stoep en lees en verkyk ons aan die mooi uitsig – iets waarvoor ons

nooit moeg raak nie. Vriende en familie wat uit Nederland kom

kuier kan nie begryp waarom ons nog elke jaar vir ’n tyd lank wil

teruggaan soontoe nie. Maar dit bly ons geboorteland en die

meeste van ons vriende is tog daar.”

’n Paadjie van plaveiblokke loop al langs die huis af na

die swembad met sy asemrowende uitsig op die berge en

veld. Wildejasmyn (Jasminum angulare) bied privaatheid

van die bure en dra in die somer geurige wit blomme.

Van links: Agapanthus ‘Purple Delight’; somersneeu (Cerastium

tomentosum); die inheemse bostolbos (Diospyros whyteana)

wat rond gesnoei is.