Tuis. 04

98 tuis April 2017

’n Boomdahlia gee hoogte

in jou tuin en blom in die

laatsomer en herfs.

besem!

Marié Esterhuyse

Met ’n boomdahlia in jou tuin het jy beslis nie

’n tekort aan hoogte in die herfs nie!

Deur Marié Esterhuyse • Foto’s Francois Oberholster

Die boomdahlia is ’n wonderlike plant wat

vir pragtige blomme in die herfs sorg. Dit

hou van komposryke grond en baie son

maar moet beskerm word teen wind; stut

maar die stam. Dit dra sy blomme op die

punte van sytakke en in die middel van die

somer kan jy dit met ’n derde tot die helfte

korter sny om dit aan te moedig om meer

sytakke te maak. Sny ná blomtyd heeltemal

af; dit loop weer volgende lente uit.

Om te vermeerder sny die afgesnyde

stam in stukke van ongeveer 10 cm lank.

Gebruik die ouer houtagtiger dele hiervoor

(nie die groen jonger dele nie) en sorg dat

elke stuk minstens een lit het. Die lit is

duidelik sigbaar en dit is waar die stam

weer sal wortels maak wanneer jy dit plant.

Sit die stukke horisontaal sowat 1 m uit

mekaar op goed voorbereide komposryke

grond neer en druk dit effens in die grond

in. Hou dit klam – dit moet nooit uitdroog

nie. Die stamme sal met verloop van tyd

uitloop en nuwe plante vorm.