Tuis. 09

September 2017 tuis 115

Grondboontjiepesto

metThaisegeure

Dié geurige pesto is heerlik saam met

geroosterde vis of steurgarnale maar ek is

veral mal daaroor saam met eiervrug-en-

koeskoesslaai (oorkant).

Maak sowat 200 ml

Bereidingstyd: 10 minute

• 250 ml basilieblare


• 250 ml vars koljander


• 125 ml Viëtnamese kruisementblare (of
  gebruik gewone ment)


• 1 rooi brandrissie ontpit en fyngekap


• 1 klein knoffelhuisie fyngekap


• 1 cm vars gemmerwortel fyngerasper


• 4 sprietuie se wit dele grofgekap


• sap en gerasperde skil van 1 medium-
  groot lemmetjie (of na smaak)


• 125 ml geroosterde gesoute
  grondboontjies


• sowat 100 ml grondboontjie-olie

Verwerk al die bestanddele behalwe die olie

saam in ’n voedselverwerker. Voeg nou die

olie in ’n dun straaltjie by tot die tekstuur

reg is. Proe en maak seker al die geure is

goed gebalanseer; as jy voel iets kort kan jy

ekstra sout lemmetjiesap of rissie byvoeg

tot die pesto na jou smaak is. Skep in ’n

gesteriliseerde fles en hou in die yskas met

’n lagie olie bo-oor vir tot ’n week. (Glo my

dit gaan nie so lank hou nie!)

Koolslaai

metgrondboontjie-

slaaisous

’n Goeie koolslaai is ’n lekker vuller-
bestanddeel in tortillas en broodjies of by
braaivleis. Dié een met grondboontjiesous is
’n lekker bykos met rafelvark of viskoekies.

Genoeg vir 6 as bygereg
Bereidingstyd: 30 minute
Gaarmaaktyd: 10 minute

• 2 klein kopkooltjies gesnipper


• ’n hand vol bros slaaiblare


• 2 mediumgroot wortels in julienne-
  repies gesny


• 8 radyse dungesny


• 200 g vars aspersies met ’n
  groenteskiller in linte gesny


• vars kruie soos koljander basilie
  en grasuie

GRONDBOONTJIESLAAISOUS

• 30 ml sesam- of grondboontjie-olie


• 1 klein ui fyngekap


• 1 klein knoffelhuisie fyngerasper


• 2 cm vars gemmer geskil en gerasper


• ’n knippie brandrissiepoeier


• 5 ml garnaalpasta


• 125 ml onversoete gladde of korrelrige
  grondboontjiebotter


• 30 ml ligte sojasous


• 15 ml vars lemmetjiesap


• 5 ml heuning (of na smaak)


• 200 ml klappermelk
  
  
  • sowat 125 ml kookwater
  
  
  
  

1 Maak die slaaisous Verhit die olie oor
matige hitte en roerbraai die ui knoffel
gemmer en brandrissie saam totdat die ui
glansend is maar moenie dat dit verkleur
nie. Roer die garnaalpasta by en braai tot
geurig. Voeg nou die grondboontjiebotter
sojasous lemmetjiesap en heuning by en
roer tot glad. Hou die hitte laag. Roer dan
die klappermelk by en verhit tot deurwarm.
Gebruik die water om die dikte na jou smaak
aan te pas. Verwyder van die hitte en laat

heeltemal afkoel. Proe en pas die

geurmiddels aan na smaak (hou in gedagte

die geure gaan nie so sterk wees wanneer

dit koud is nie). Hou die sous so korrelrig of

verwerk dit tot ’n gladde sous met jou

staafmenger. Bêre in die yskas tot nodig.

2 Nou vir die slaai Meng die gesnipperde

kool en slaaibare met ’n ruim skoot

slaaisous en rangskik op ’n mooi dienbord

met die res van die slaaibestanddele. Sit

ekstra slaaisous apart voor. Hou enige

oorblywende sous in die yskas en gebruik

binne ’n week.

Hoender-saté

Maak gerus kleiner stokkies as voorgereg

pleks van die grotes as hoofgereg.

Genoeg vir 4 as hoofgereg

Bereidingstyd: 1 uur

(marineertyd ingesluit)

Gaarmaaktyd: 25 minute

• 4 hoenderborsies
  elk in 4 blokke gesny


• 1 rooi soetrissie in blokkies gesny


• 1 rooi ui in wiggies gesny


• 8 lourierblare


• 4 pruimtamaties ontpit en grofgekap


• 30 ml kookwater


• gestoomde rys en vars koljander
  om voor te sit
  MARINADE


• 15 ml suurlemoensap


• 3 ml komyn


• 5 ml koljander


• ’n knippie rooipeper


• 45 ml korrelrige grondboontjiebotter


• 30 ml ligte sojasous


• 30 ml sesamolie

1 Meng al die marinadebestanddele en

roer dit deur die hoender. Ryg op stokkies

met stukkies rooi soetrissie ui en

lourierblare tussenin. Laat staan vir sowat

30 minute. (Week die stokkies vooraf in

water as jy jou sosaties oor die kole wil

braai anders kan hulle vlam vat.)

2 Verhit ’n dikboompan (kies een met ’n

deksel) en braai die hoender oor matige

hitte tot alkant goudbruin. Voeg nou die

tamaties en kookwater by saam met die

oorblywende marinade en laat prut met

die deksel op tot die hoender deurgaar is.

Geur met sout en peper. Sit voor op

gestoomde rys met ’n strooisel vars

koljander. >>