Tuis. 09

As kind het Talita Röder ’n kunstenaar en kunsonderwyser altyd

haar pa gehelp met opknapprojekte. “Ek was sy regterhand” skerts

sy en vertel hoe haar pa altyd gesê het: “My kind jy het meer

moed as verstand.” Kyk jy so na haar ateljee wat eens op ’n tyd ’n

donker gunietswembad was besef jy gou sy moes hare op haar

tande hê vir dié ongewone veeleisende opknap.

Die swembad was reeds op die eiendom toe Talita en haar man

Dion dit 10 jaar gelede gekoop het. “Dit was so oorgroei dat die

vorige huurders nie eens geweet het dis daar nie” onthou sy. Die

Röders het geen nut daarvoor gehad nie. Toe kry Talita die gedagte

dat hulle die swembad kan opvul en in sy plek ’n ateljee bou waar

sy kan werk en klas gee.

Eers het Talita gemeen hulle kan die swembad uithaal maar die

groot gunietstruktuur van6x10mwasgebou om te hou – al

oplossing was om die bestaande struktuur by haar plan in te werk.

Sy het die messelaar en nutsman Vincent Xhoza se hulp ingeroep

en saam het hulle aan die werk gespring.

“Vincent was voorheen ’n boukontrakteur – en veel meer as net

’n messelaar. Hy was ongelooflik kreatief. Tussen die werk deur het

ek vir hom kunslesse gegee” sê Talita. Nadat die projek voltooi is

het Vincent kuns- en handwerkklasse by ’n skool vir geestelik

gestremde kinders begin gee. Hy is ongelukkig

verlede jaar oorlede.

Die swembad was teen ’n skuinste op rots-

agtige terrein geleë; dit was dus onmoontlik om

die gat met behulp van toerusting of vragmotors

te kom vul. Talita sê al oplossing was om van die

rotse rondom die swembad te gebruik – heel

waarskynlik uitgegrawe toe die swembad gebou

is – en kleiner stukke met ’n kruiwa in te bring.

Die kruiwa-plan was bra arbeidsintensief – dit

het meer as drie maande geneem. In daardie

tyd moes Talita ook ’n skoueroperasie onder-

gaan. “Terwyl hulle die klippe opgebreek het

het my skouer sodanig herstel dat ek weer kon

inspring en help!” sê sy en lag. >>

Die rakke in die
kombuishoekie is van
herwinde Sweedse
dennehoutkratte wat
Talita by ’n plaaslike
fabriek gekry het.

Die voorkant van die

gietysterbad (bo) is

met ’n slypmasjien

uitgesaag en die

rande is gladgeskuur;

dis geverf met

dieselfde mengsel

wat op die ateljee se

vloer is: bindvloeistof

grys stoepverf en

terpentyn.

September 2017 tuis 57

opknap