Tuis. 07

104 tuis Julie 2017

Het jy al agtergekom jou hond

of kat eet gras? Bederf hulle met

hul eie “troeteldiergras”!

Kweek dit soTroeteldiergras vra baie son

en goedgedreineerde komposverrykte

grond. Maak gereeld nat en snoei terug

wanneer dit onnet lyk.

• Katgras (Dactylus glomerata) is meerjarig
  en het grysgroen blare waarvan ook honde
  hase en marmotjies hou. Dit groei in ’n digte
  pol sowat 20 cm hoog – ook in potte.


• Hondegras(Spartina pectinata)is’n
  steriele immergroen meerjarige wat hoog
  groei in komposryke klam grond. Plant
  polle hier en daar in jou tuin of in houers en
  dun dit ná ’n jaar of twee uit indien nodig.
  Wenk van die maandPlant die gras buite
  jou honde se bereik as hulle dit verwoes en
  sprinkel liewer ’n paar blaartjies oor hul kos.
  Algemene problemeHondegras versprei via
  risome en kan dig en spreidend word; hou
  dit dus in bedwang.
  GebruikeTroeteldiergras verskaf minerale
  en foliensuur wat groei ondersteun en
  suurstofvlakke in die bloed verhoog. Dit
  reguleer ook hul stoelgange en
  verlig spysverterings-
  probleme omdat dit
  diere kan aanmoedig
  om te braak waar-
  deur hulle ontslae
  raak van hare vere
  of bene in die maag
  wat die spysvertering-
  stelsel irriteer.
  KONTAK healthyliving-herbs.co.za

Troeteldiergras

Krui van die maand

Tuinbenodigdhede

Begonia

Kenjou

indringers

Elke maand wys ons ’n plant wat as ’n indringer

verklaar is. Hou jou oë oop in jou tuin en buurt.

Luisboom(Solanum mauritianum)is’n

groot struik wat tot 4 m hoog kan groei met

fluweelagtige stele en dofgroen breë blare

wat fluweelagtig bo en viltagtig en wit onder

is – wanneer dit fyngedruk word stel dit ’n

sterk skadelike reuk vry. Die boom dra

pers blomme in kompakte trosse op die

punte van die takke en ronde groen

bessies wat later geel verkleur. Voëls vreet

die bessies en versprei só die saad.

Indringerstatus

Die plant is ’n Kategorie 1b-indringer wat

betekenjy kan vervolg word as dit op jou

eiendom groei.

Hoekom is dit problematies?

Die luisboom ding mee met en verdring

inheemsespesies. Die vrugte is giftig voor

dit ryp word en die harige blare en stele

kan ’n allergiese veluitslag en asma

veroorsaak.

KONTAKinvasives.org.za

Begonia

Met sy groot geplooide blomme in

verskeie kleure sal die knolbegonia

(Begonia elatior) jou huis in die vaal

wintermaande ophelder. Hy sal nie die

koue buite oorleef nie maar gedy in ’n

warm helder vertrek. Hou die grond klam

(nie deurweek nie dit sal vrot); ’n half-

koppie water per week behoort genoeg te

wees afhangend van die temperatuur.

Moenie dat die blare nat word nie. Voed

een keer per maand met ’n vloeibare

kunsmis en verwyder dooie blomme.

KONTAKplantimex.co.za

^ƚƵƵƌŝŶůŝŐƟŶŐŶĂƚƵŝŶĞΛƚƵŝƐ͘ĐŽ͘njĂ.

Luisboom

Foto

Kay Montgomery •

Inlas

Lukas Otto

Maklike kompos

Omskep al jou kombuisafval en grassnysels in kompos

met die 150-liter-Green Genie-komposhouer. Dit kom

met ’n sluitbare deksel wat ongewenste besoekers soos

knaagdiere uithou ’n houer vir plaagweerder onder die

deksel en ’n luik aan die onderkant waardeur jy die

kompos uitskep. Dis gemaak van duursame plastiek.

Bestel dit regstreeks by greengenie.co.za.

Katgras

Hondegras

Huisplant van die maand