Tuis. 07

kerrie-uie deur die maalvleis en geur met ’n

knippie sout. Rol met nat hande in

happiegroot frikkadelle.

2 Blansjeer die groente in kookwater

dreineer en hou eenkant. Verhit die res van

die olie in ’n diep pan en braai die

frikkadelletjies tot goudbruin oraloor. Voeg

die groente by en roerbraai oor hoë hitte vir

nog ’n paar minute. Roer die klappermelk

laaste by en kook weer vir 5–10 minute tot

die frikkadelle gaar is en die vloeistof effens

ingedamp het. Skep oor gaar eiernoedels en

geur met vars lemmetjiesap en ’n strooisel

koljander. As jy wil kan jy sojasous byvoeg

vir ekstra geur. >>

Thaise groenkerrie met frikkadelle

’n Klappermelk-groenkerrie soos dié is ’n heerlike manier om ’n verskeidenheid groente vinnig en maklik

voor te sit met hope geur. Die frikkadelletjies pleks van die gewone hoenderstukke gee dit ’n lekker kinkel.

Genoeg vir 4 ruim porsies
Bereidingstyd: 40 minute
Gaarmaaktyd: 25 minute

• 45 ml olie


• 3 salotte of 1 klein ui baie fyn gekap


• 5–15 ml klaar bereide groenkerriepasta


• 500 g vark- of hoendermaalvleis


• 400 g gemengde groente soos peul-
  ertjies broccoliblomme bok choi
  babaspinasie en klein mielies


• 400 ml klappermelk


• eiernoedels lemmetjiesap en vars
  koljander vir voorsit

1 Verhit sowat 15 ml van die olie in ’n pan

en soteer die uie in die olie tot glansend.

Roer die kerriepasta en ’n skeut water by en

kook droog. Laat effens afkoel. Meng die

hoofkos

Julie 2017 tuis 113