Tuis. 08

102 tuis Augustus 2017

Saamgestel deur Gillian Eva • Foto’s: Francois Oberholster en verskaf

Take vir

Augustus

Dis nog nie te laat om te snoei nie. Augustus is ook

die maand waarin jy jou grasperk kan regruk.

Deur Kay Montgomery

Wenk

van die maand

Snoei ornamentele

grasse terug sodat

sonlig en water

nuwe groei kan

stimuleer.

^ƚƵƵƌŝŶůŝŐƟŶŐŶĂƚƵŝŶĞΛƚƵŝƐ͘ĐŽ͘njĂ.

Tuindagboek

Die tuin ontwaak

Tekens van nuwe groei op struike

en bome is ’n aanduiding dat jou tuin uit

sy winterslaap ontwaak. Maar dis ook

nou dat plae weer lewe kry. Hou ’n oog

oop vir slakke en naakslakke wat knibbel

aan sappige nuwe groei asook goggas

soos plantluise wat knoppe beskadig.

Snoei rose wat nie verlede maand

gesnoei is nie (sien Ludwig se roos-

hoekie). Plante wat lyk of hulle dood is

kan dalk nog lewe. Wag tot die rypgevaar

verby is voor jy verlepte blare van struike

en meerjariges verwyder en dien

kompos of algemene bemesting soos

2:3:2 toe. Maak nat om nuwe groei aan

te moedig.

Verwyder dooie materiaal op

grasperke met ’n hark of harde besem

sodat lug water en bemesting die

wortels kan bereik. Vul enige holtes met

’n gras-bolaag. Maak goed nat nadat

jy bemes het om te keer dat enige

korrels aan die grashalms vassit en die

gras brand.

Beskerm teen wind

In die somerreënstreek is

Augustus sinoniem met sterk wind.

Gaan kwesbare bome en struike na en

verwyder beskadigde takke. Stut nuut

geplante bome en struike want hulle het

nog nie kans gehad het om ’n sterk

wortelstelsel te vestig nie en die nuwe

wortels is kwesbaar vir windskade.

Beheer die gewig van plante wat in

bome oprank om skade aan takke te

vermy. Gaan hout- en staalstrukture en

oorhoofse balke na wat ywerige rankers

soos bougainvillea ondersteun; vervang

waar nodig.

Dis nou die tyd om ’n bietjie aandag aan jou grasperk

te gee sodat dit in die somer op sy beste kan lyk;

maak seker ywerige rankers soos bougainvilleas is

stewig vasgesteek om windskade te voorkom.

Garden World