Tuis. 01

die besoek werd

Kom ry met jou bergfiets stap deur die
wingerd of hou piekniek op ’n wynplaas. En
as jy oorslaap kan jy ook in die plaasdam
swem! Dit klink mos na vakansie.
Boschendal een van Suid-Afrika se
oudste wynplase het in 2013 van eienaars
verwissel en sedertdien is daar op dié
historiese landgoed gewoel. Tuiniers wat
soek na inspirasie kan ’n besoek aan dié
plaas gerus op hul vakansielysie sit.
Dis veral die nuwe groentetuin van

25 hektaar wat tuinmakers se oog sal vang.

Eers was dit ’n peerboord maar met verloop

van tyd is die ou bome verwyder en het dié

stuk land braak gelê. Dis toe dat iemand die

blink gedagte kry om ’n reuse-groentetuin

hier aan te lê – binne sig van die Werf

Restaurant. En so is ’n ware tuin-tot-tafel-

ervaring geskep!

Vandag sit al die eetplekke op die

landgoed – die Werf is maar net een van

hulle – daagliks kraakvars groente en vrugte

uit die tuin voor. En dis nie al wat hier

verbou word nie – ook die werfhoenders

plaaseiers en Angus-beesvleis op die

spyskaarte kom uit eie bodem en gaste sal

binnekort aan die plaas se eie skaap- en

varkvleis kan smul. Enige produkte wat

hulle nie self kan voorsien nie word van

volhoubare en eties betroubare bronne (en

sover moontlik plaaslik) aangekoop –

voorwaar ’n plaas met ’n gewete. >>

Januarie 2017 tuis 99