Tuis. 04

106 tuis April 2017

Franse dragon is die koningin van

Franse kookkruie met anysgeurige

blare wat romerige souse en soppe

’n onvergeetlike aroma gee.

Kweek dit so Saailinge het volson nodig en
hou van klam maar nie deurdrenkte grond
nie. Dié plante (40 cm hoog en wyd) sal in die
winter dormant raak maar los dit in die
grond want dit sal weer in die lente uitloop.
Vervang plante elke vier jaar omdat hulle
mettertyd hul groeikrag verloor.
Wenk van die maand Oes en lê dragon nou in
voordat dit in die winter dormant raak. Droog
of vries die blare. Vries dit so: Kap die blare
sit dit in ysbakkies en bedek met water;
wanneer die blokkies gevries is kan jy dit in
sakkies of houers in die vrieskas bêre.
Het jy geweet?

• Die aromatiese loof hou insekte weg.


• Wanneer dit langs ander gewasse veral
  eiervrug groei verbeter dit die groei en
  smaak van dié gewasse.


• Russiese dragon ’n kultivar wat van
  saad gekweek word is baie bitterder. Dit
  het ook nie aromatiese olie soos die Franse
  weergawe nie.
  Gebruike Dis een van die kruie wat (saam
  met kerwel grasuie en pietersielie) deel
  uitmaak van die Franse fines herbes. Dié
  kruiemengsel word by souse soos sauce
  Béarnaise en sauce verte (groensous) vir
  salm gevoeg asook by omelette. Dit word ook
  gebruik in kruiebotters wat op geroosterde
  vleis pluimvee of vis gesmeer word. Omdat
  hitte die geur uitbring is net ’n paar blare
  genoeg om karakter aan ’n gereg te gee.
  KONTAK healthyliving-herbs.co.za

Franse dragon

(Artemisia dracunculus var. sativa)

KRUI VAN DIE

MAAND

Gaillardia‘Sun Flare’ en ‘Red Sun’ is

twee treffende nuwe plante wat jou

tuin sal ophelder.Gaillardias wat

algemeen as kombersblomme

bekend staan aard die beste in

warm sonnige weer en vrugbare

goed gedreineerde grond maar kan

arm grond verdra. ‘Sun Flare’

(20–25 cm hoog) het langwerpige

goudkleurige blomblare met ’n

kontrasterende rooi middel terwyl

‘Red Sun’ (35 cm hoog) amper

heeltemal rooi is met geel

punte. Albei groei sowat 50–60 cm

wyd en het ’n lang blomtyd wat dit

’n uitstekende meerjarige

beddingplant maak. Vir die beste

vertoning groepeer vyf tot sewe

plante saam in ’n gemengde

randakker. Dié plante sal ook goed

vaar in houers.

Gaillardia‘Red Sun’

Gaillardia‘Sun Flare’

Anthurium andreanum oftewel die flaminklelie kom uit die tropiese reënwoude van

Sentraal-Amerika. Dis die ideale huisplant omdat dit so te sê onvernietigbaar is en min

sorg vra met besonderse blomskedes en blink hartvormige blare in skakerings van rooi

pienk oranje en wit. Die kompakte plante vaar die beste in ’n warm plek met helder

gefiltreerde lig (nie direkte sonlig nie); die ideale binnenshuise temperatuur is 18–24°C.

VersorgingMaak net nat wanneer die grond droog voel – een of twee keer per week in

die somer en minder in die winter. En moenie dat dit in water staan nie – sit die pot op ’n

piering vol klippies. Die water wat dreineer verskaf humiditeit sonder dat die pot aan die

water raak. Blare wat geel verkleur (nie bruin en verlep is nie) is ’n teken van te veel

water. Dien vloeibare bemesting in die lente toe en

weer in die herfs.

Anthurium

BINNENSHUISE PLANT VAN DIE MAAND

Anthurium saam

met ’n bromelia

(Aechmea

fasciata).

NUUT IN DIE KWEKERY